Враќање на работа - две салати со наут за ручек

     По неколку месеци работа од дома, без вежбање  и со јадење глупости, стресни ситуации, човек скоро и не посветува внимание на сопственото здравје. Тука те наболува, таму нешто те боцкало, ништо, ќе помине.

Но започнуваат да се трупат килограми, да ти биде тешко и да се осеќаш тешко и непријатно. 

Колку и апликации да симнеш на телефон и на компјутер, нештата не се случуват ако не се земеш во раце и почнеш да работиш на своето здравје и да внимаваш.

Враќајки се во канцеларија бев приморана да посветувам малку повеќе време на храната. 

    Важно е поради неколку причини:

• Контролираш што јадеш - клетките во нашите тела растат, се размножуваат секоја секунда. Нашите тела се обновуваат и затоа ги користат градежните блокови на храната што ја добиваат, т.е. коja ja внесуваме. Ако ги храниме со ѓубре, не можеме да очекуваме да имаме здрави, функционални клетки и организам. Темата е огромна и секако има многу мислења на оваа тема. Постот е лично мислење и јас не ангажирам никого со тоа. Секој треба сам да се заинтересира, да собира информации и да носи свои заклучоци.
• Имаш план и не мислиш по цел ден што ти се јаде. Го намалуваш стресот. Не доручкувам пред работа. Не можам да стана и да јадам. Ми треба време да се рассонам. Ако немам план, околу 10 веќе мислам што ми се јаде и концентрацијата ми паѓа. Истото се случва и околу 2.30 попладне. 
• Прашање на средства е. Да, поевтино е да си припремиш храна дома, одколку да купуваш. Не е ни толку тешко. Да, тоа бара планирање и малку поинакво купување на намирници, но вреди. И со тек на време, станува многу побрзо. Тука во Скопје да нарачате сендвич, салата или пица на работа ве чини најмалку 100-150 денари. Покасно ќе се сакате  нешто слатко. Повеќето автомати не враќаат кусур. Ако немате ситни, барате кај колегите и накрај завршувате со неколку наполитанки, некои грицки во фиока. А знаејки дека се тамум тешко дека ќе останат до крај на денот. И тогаш се чувствувате непријатно и тешко.
• Јадеш  разновидна храна. 
• Фрлаш помалку отпадоци и користиш помалку пластика. Сите нарачки со храна доаѓаат во амбалажа за еднократна употреба. Таа се користи за многу кратко време, и прашање е дали повеќето од нив може да се рециклираат и дали воопшто се рециклираат.

    Непријатност е што носиш дополнителен багаж до канцеларијата и враќаш празни кутии. А, понекогаш ги забораваш на работа.😊

    Најлесно за ручек е салата. Во последно време ми излегуваат многу салати од наут на Инстаграм и решив да пробам. Фотографиите се секогаш многу примамливи, но понекогаш рецептите бараат премногу производи, ми изгледаат чудно и не ми се допаѓаат.

Оваа рецепта беше едноставна - като грчка салата с наут 😀 од Instagram профилот на Nourishing- Loaded Greek Chickpea Chopped Salad

 

Продукти 

• 1 среден домат, исецкан на парчиња
• 1 краставица, исецкана на полукругови
• 1 зелена пиперка 
• 1/4 глава чрвен кромид
• 1/2 конзерва исцеден, измиен наут
• околу 50гр кравјо сирење
• маслинки Каламата на око
• За дресинг:
  маслиново масло, јаболков оцет, сол, суво оригано

Би сакала да дадам точни количини за дресингот, но не сум по точните мерки. Да кажеме дека дресингот е дотеран "уметнички" на око 😂.

Та, се се става во танир, се зачинува и салатата е готова.

Втората салата со наут исто е од интернет, но не паметам од каде. Цела конзерва наут ми е многу за едно јадење и со комбинирање на состојките, може да се уклопи во планирање на ручек на работа за три дена.

Продукти

• Наут
• Црвен грав (вкупно околу 100гр)
• мала конзерва туна
• 3-4 листа марула
• 1/4глава чрвен кромид
• 5-6 маслинки
• За дресинга: маслиново масло, јаболков оцет, сол, малку бибер

Се се меша и се зачинува.

Никаква филозофија! Доколку имате уште грав, може и него да го направите на салата за третиот ден.😎

Во зависност од сезона, двете салати испаѓаат ококу 300 денари.  

Времето за приготвување исто е релативно. Може да се припремат од вечер, со тоа што зачините се стават во посебна мала тегличка и се додадат пред јадење.

Вечер салатата ми е спремна за 5 минути, наутро - за 15. 😅 Убаво што е докажана релативноста на времето, ама до толку ...  

Пријатен ручек!

Време за мачкање лебчиња

Нели знаете како понекогаш ни се јаде нештоооо, но да не е манџа. Понекогаш и не знаете каков сендвич да си припремите за на работа или за во школо за децата.
Од друга страна периодите „ааа, ама ја тоа не го јадам“ ми ги кинат нервите.

Затоа како алтернатива доаѓаат премазите.

Едниот е дип со ореви (од една од моите омилени страни Гответе с мен), а другиот е варијанта на Хтипити салата, ко го прави мојата пријателка Кате. Се разбира, намачкани брз домашен леб. 

Бидејки периодов ќе се заредат слави и празници, рецептите може да се искористат и за гости. 

Еве и кои рецепти користам.

Дип со ореви

Потребни продукти

300гр. безсолна урда 

150гр. тазе искршени ореви

2-3 лажици кисело млеко

малку маслиново масло, малку хималајска сол и црн бибер

Оревите се кршат на ситно. Се додават другите продукти и се промешува добро се. Може да се додаде уште малку кисело млеко ако смесата е многу густа,
Пробала суми со мелени ореви, но некако смесата испаѓа потешка.

Варијант на Хтипити салата

Потребни продукти

300гр. безсолна урда

1 зелена пиперка
1/2 зелена лута пиперка
1 чешне лук

2-3 лажици кисело млеко
малку маслиново масло, малку хималајска сол и црн бибер

Кој сака да сецка на ситно зеленчуци - да исецка пиперките и лукот. Кој како мене не сака баш да се замара со тоа , нека ги пушти на сецко. Потоа пиперките се промешуват добро со останатите продукти и готово.

Двата премази коштаат најмногу 300 денари во зависност дали имате дома печени пиперки и ореви или треба да купувате. 

Не знам за вас, но печените пиперки од тегла не ми се посебно омилени. Но сакам  Македонска салата не битно со печени или со свежи пиперки, кравјо, козјо или биено сирење.
Затоа оваа есен поминав еден ден во печење, лупење и пакување на пиперки и чистење на рерната, но вредеше.
Наскоро јадев и нешто многу  многу  вкусно со печени пиперки, што ќе споделам со вас по празниците.😀

Добар апетит!

Салата од карфиол со прелив

За три порции ми беа потребни:

• 1кг свеж карфиол
• 150гр овче млеко (или тоа што има, може и јогурт)
• 3 с.л. зејтин
• сол, копар на вкус
• (чисто за проба во дел од преливот ставив мајонез без јајца, не беше лошо) 

Карфиолот се мие добро, се упива со кујнска хартија и се дели на мали парчиња. Се става во тањири. Тие кои не можат да го јадат свеж, можат карфиолот да го сварат во солена вода или на пареа, но треба добро да се исцеди зашто водата ќе го направи преливот премногу течен. Во средно голема тегла со капак се стават останатите продукти, се мешат добро и со тој прелив се залева карфиолот.

Децата обично го јадат карфиолот сварен. Со помалите се` уште работиме на делот со јадење на свеж зеленчук.

Вкупно - околу 150 денари. 

Цвекло - топло или ладно?

Цвеклото не е меѓу омилените зеленчуци на децата. Но ако изгледа доволно интересно може и да помине :)

Денес верзиите се две: ладна и топла.
За топлата верзија треба малку припрема и доколку не се вари во уред за готвење на пареа, требаат повеќе садови.

     ●  1 средна глава цвекло

     ●  2 средни моркови
     ●  1 јајце

     ●   лажичка сенф

     ●   зејтин, сол

     ●   лук во прав

  Цвеклото и морковите се чистат и се сечат на парчиња, а потоа се варат на пареа 30-40 минути (или посебно во различни садови, за да не се обојат морковите), јајцето се вари 5 минути. Се припрема мешавината со зачини и со нејзе се залеват готовите топли зеленчуци, а одозгора се става исецканото јајце. 

Еве ja и ладната:

Доволно заситува, за да послужи како ручек на работа.

• 1 средна глава цвекло
• 2 средни моркови
• 2 ореви
• магдоноз
• зејтин
• балсамико или лимон
• пола лажиче мед
• сол  (ако е потребно)

Нема некоја голема филозофија- почистените и избришани со кујнска хартија зеленчуци се рендаат, искршените ореви и исецканиот магдоноз се додават. Пред јадење салатата се промешува добро со зачините. Повкусно е кога салатата е ладна. Доколку се носи на работа оваа салата, треба зачините да се измешат во друг мал сад со добро капаче, за да не тече. Ако од дома се` е измешано, тогаш зеленчуците ќе пуштат вода и ќе испадне нешто слично на ладна супа.

Вкупно -околу 15 денари.
   

Свежа македонска салата

Ја сакам таа салата!
Прв пат ја пробав во еден мал ресторан и составот беше: печени црвени пиперки, домат, црвен кромид, сирење и магданоз. Со тек на времето пробав за себе различни варијанти и фаворит ми остана тој:

• една свежа црвена пиперка
• еден домат
• еден зелен кромид
• свеж магданоз
• сол и зејтин

Свежите црвени пиперки имаат прекрасен благ крцкав вкус кој е толку пријатен! Богати на вит.С, содржат и А, В6, Е, магнезиум, ликопен како доматите.

Вкупно за една порција: 40 денари.

Импровизација на салата со урда и дајкон

Многу е чудно како луѓето отвараат фрижидер и констатираат дека нема ништо за јадење. А во суштина има доста намирници од кои може да се припреми нешто вкусно.
Во еден таков ден отворив фрижидер, дремав едно пет минути пред вратата и не знаев што да јадам. Затворив, но по некое време аха, се јави стомакот. Е, тогаш погледнав поразлично на полиците. Имаше урда, јајца, кисело млеко, џем (кој никако не ми се уклопуваше во идејата за ручек :) ), беше полно со зеленчук.

Салата од урда со дајкон и ротквици

• 200гр.урда
• парче дајкон околу 5см
• 1-2 ротквици
• 1-2 с.л. кисело млеко (мене ми е убаво со овчо) или јогурт за да биде покашеста смесата

Дајконот излупен се сецка на ситни парчиња, потоа се меша со урдата и млекото, за декорација - исецканите на полукругови ротквици. За боја ставив малку копар.

За една порција доаѓа околу 40 денари, а времето за подготвување е околу 5 минути.

Обично дајконот го јадеме рендан на салата со моркови, трупка и цвекло. Тој корисен зеленчук треба да биде поприсутен на нашите трпези и ако морам да признам дека е тешко да се натера мало дете да го проба. Не вади и не акумулира тешки метали Содржи големи количини ензим,наречен диастаза, кој помага на варењето, посебно на скробна храна; го забрзува метаболизмот; се препорачува при срцеви заболувања, анемија, слаб имунитет и др.

Барајки рецепти најдов дека од дајкон се приготвуваат многу готвени јадења. Тоа што може би ќе помине кај мали деца се запржени во сусамово масло кругчиња дајкон.

Кинеска зелка со авокадо и пилешко месо

Тоа е тоа - мора да се изеде целата кинеска зелка :)

Кинеска зелка со авокадо и пилешко месо

Испаднаа 3 средни порции од:

малку повеќе од пола кинеска зелка

2 ротквици

1/2 исчистено авокадо

малку пилешки стек или остатоци од печено пиле

Зелката се сецка на парчиња, ротквиците и авокадото - на средни парчиња. Пилешкото се кине на ситно. Се` се промешува убаво и се зачинува со дресинг од лимонов сок или оцет, зејтин и сол.

Брзо, едноставно...може за ручек, може за вечера.

Брза салата со кинеска зелка

Досега сум ја гледала кинеската зелка во продавница и на пазар ама некако немав храброст да земам и да пробам.

Пред некој ден маж ми донесе и морав да ја направам нешто.Обично првото кое ми паѓа на памет е салата.

Салата со кинеска зелка и ореви

За една доста голема порција ми беа потребни:

6 листови кинеска зелка

1 средно голем морков

5 јаткасти ореви

1 варено јајце

Дресинг:

1/2 мала лажица сенф

2 големи лажици Extra virgin зејтин или масло од семки од грозје

1 голема лажица сок од лимон (може и 2)

сол

малку лук во прав (по желба)

Листовите кинеска зелка се сецкаат на тенки ленти, морковите се рендаат на крупни парчиња, се заливаат со дресингот и се промешуваат убаво. Јаткастите ореви се чистат од лушпите и се кршат на мали парчиња. Јајцето се дели на парчиња. Оревите и јајцето се посипуват врз салатата .

Вкупно: околу 40 денари

Барајќи информација за кинеската зелка, пронајдов публикации колку корисен зеленчук е тоа, но и предупредување.

Нутритивни вредности 

Исклучително ниска калорина вредност, голема содржина на антиоксиданси, фибри, фолна киселина. Богат извор на витамини и минерали како калциум, калиум, манган, железо, магнезиум т.н. Го прочистува организмот при висока температура, воспаленија, инфекции, болки во грлото. Го улеснува варењето и уринирањето, ја активира мозочната активност и подобрува бубречната активност. Помага при кашлица, очни инфекции, чиреви и слично. Редовното консумирање на кинеска зелка го намалува ризикот од рак. Исклучително корисна е при кардиоваскуларни заболувања.
НО: Кинеската зелка содржи субстанци познати како "гоитрогени". При поголемата консумација на таа субстанца се потиснува функцијата на тироидната жлезда при што може да се предизвика отекување на тироидната жлезда - состојба позната како гушавост. Затоа е препорачлива во некои случаи на дисфункција на тироидната жлезда. Сепак, кинеската зелка може да се користи во умерени количини кај здрави лица. Морам да напоменам дека лекувањето се храна мора да се одвива под надзор на нутриционист и не треба да се превземат активности на своја рака.

Кинеската зелка може да се јаде свежа или готвена во јадења, комбинирана со пиперки, домати, моркови, јајца, сирење, пченка и сл, со јаки зачини (чили, лук, ѓумбир, соја сос), а во некои западноевропски земји ја консумираат и со овошје (јаболка, портокали, мандарини). 

Се на се, добра беше салатата, освежувачка, вкусна.

Викенд импровизации

Мораше да биде такво заради здравствени проблеми на еден член од нашата фамилија.

Затоа ручекот беше ориз со морков на пареа, а потоа измешан со малку путер,к на прав и сол.
Денес дечките сакаа пица. Додека сетасуваше тестото за пица, пробавме една интересна салата. Гледајки 24Kitchen ја видов Јоли, спремаше салата со спанаќ и се потсетив на нашата пријателка - Сунчица, која наскоро ми сподели дека железото и е ниско. Затоа една убава салата за нејзе виртуелно, а се надевам наскоро и во живо.
Еве што користев во мојата верзија на салатава:

• 1 глава цвекло исецкано на 1/2 см дебели парчиња
• 1/2 глава трупка исецкана на ист начин
• 1 тенок морков
• листа од млад спанаќ
• 1 млад кромид
• сирење (което требаше да биде овчо и биено)
• ореви ( пола и повеќе изедов пред да ставам во салатата)
• прелив од 1/2 лажиче сенф, 1/2 лажиче мед, 1 лажица балсамико, 1 лажица зејтин

Цвеклото, трупката и морковот ги сварив на пареа и ги направив на мали парчиња. За дечките- на ѕвездички. Спанаќот измиен и искинат на помали парчиња го ставив во танирот, зелечукот,оревите и сирењето одозгора и преливот за финиш. Испадна една многу вкусна салата, но пред додека да ги видам сликите, салатата заврши. Изгледа некој вреден фотограф дома е фаќал обејективот со прсти  и сликата е заматена. Во наредна прилика тоа ќе се смени.
За тие кои ќе се одлучат да ја пробат салатава, bon appétit :)

Витаминска салата и мафини со моркови и калинка

После синоќешното печење на мафини и леб, еве и резултатот.

Рецептот е од еден мој омилен блог Honey and milk и трпи многу измени.

Вчера состојките беа:

• 1 јајце
• 3/4 чаша јогурт
• 1/4 чаша маслинов зејтин (зашто заборавив да го извадам путерот од фрижидер)
• 2-3 супени лажици мед (на око+малку од мајсторот)
• ванилин шеќер, но ако имав ванила екстракт, тоа ќе ставев
• 2 чаши обично брашно
• 1 чајна лажичка прашок за пециво
• 1/2 чајна лажичка сол 
• 1/2 чајна лажичка сода
• 2 рендани на ситно моркови
• сокот и малку кора од 1/2 лимон
• семките од една калинка (тука беше голема занимација со чистењето, пола ги изедовме)

Јајцето се мати убаво со вилушка, потоа се додават состојките до брашното, се промешуват добро. Потоа останатите состојки на куп и мешање додека нема буци брашно. Во меѓувреме се загрева рерната на 180 без вентилатор. Може и на 160 со вентилатор, но мафините тогаш испаѓаат криви на страна. Тука морам да спомнам дека треба да се пази од мали белаџии кои на поминување појачуват на 250 степени. Ако имате хартиени корпи - супер, ако немате - калапите намачкани со путер и наполнети на 2/3. Потоа печење за 20-25 минути. Од кога ќе се извадат од рерна, по 5 минути се вадат на решетка за да се изладат. Нема потреба да ги спомнувам пак поминуваштите белаџии и сопрузи.

Вкупно ~ 120 денари за 12 големи мафини.

Во тој варијант на  рецептот најмногу качува цена медот.Затоа доколку се користи шеќер цената би паднала на 70-80 денари за 12 парчиња. Малку се повлажни од мафините со обично млеко.

Еден мафин и ореви беа ужината на ученикот и нашиот десерт со кафе на работа.

Ручекот - просото од вчера и витаминска салата.

Витаминска салата - наш варијант:

• 100 гр моркови
• 10 гр целер корен
• по 100 гр трупка, дајкон, цвекло и зелка
• 2 листа марула за боја
• малку лук, сол, јаболков оцет и зејтин

Вкупно ~ 40 денари за двајца

Вечерата беше на брзинка - крем-супа од компир со морков и брокула (за 2 пати јадење на сите нас петорица - 90 денари) и салата домати, краставица и зелена пиперка ( 30 денари).

За утре - една брза салата со туна и моркови.