Просо со зеленчук

Доручек за сите според планот.

Ручек - просо со зеленчук. Тоа е лесен за приготвување рецепт, кој се припрема на пониска температура.

• 1 мала глава кромид
  
• 2 моркови (~150гр)
• 1 мала тиквица
• 100гр пченка
• 150 гр просо

Зеленчукот се ренда на едро, се става да се динста со малку маслинов зејтин и вода. Потоа се додава просото, вода 1:4 и се вари под капак на тивко. Се промешува од време на време за да не загори на дното. Зачините се копар и сол.

Вкупно околу 50 денари за 4 големи порции.

Вкусни се и комбинациите со морков и зелка, со карфиол и морков, црвена пиперка...

Салата- марула со ротквици, краставица и маслинки -20 денари за двајца.

Вечерата е од вчера- боранија со салата домати и краставици-40 денари за сите.

Тука морам да признам дека сопругот земал колачиња со чоколадо за десерт. Сите поминавме по неколку пати и кутијата заврши за нема и половина час :)
Без да го ставам трошокот за боранијата - 150 денари за денот.