Шарена турлитава

Оваа турлитава е еден од побрзите и здрави оброци.Најчесто се преви од она што го имаме во фрижидер.Децата обично не сакаат некои од состојките,но вака нема да приметат и сигурно ќе им се допадне. Но јас ја направив со следниве состојки и беше ПРЕВКУСНА.

• 200 гр. мелено месо
• 1мала главица кромид
• 1 морков
• 1 пиперка
• 1 мала тиквица
• 1 модар патлиџан (помал)
• 1 домат
• 1 компир
• 1 чешне лук
• брокула неколку цветчиња
• карфиол неколку цветчиња
• 50 гр боранија
• 50 гр грашок
• 30 гр ориз
• магдонос
• маслиново масло
•1 с.л. мешан зачин за готвење или сол
• вода

Најпрво на малку маслиново масло се пропржуваат кромидот и морковот, па се додава меленото месо. Откако месото ќе се испржи, се додава зеленчукот еден по еден, исецкан на мали парчиња. Накрај се ставаат доматот, оризот и магдоносот. Се зачинува, се истура во тава, се налева вода колку да го покрие зеленчукот и се потпекува околу 25-30 минути.

Зеленчуците можат да се комбинираат по желба, може да се стави и бамја. Се е по вкус.
Пријатен апетит !

Вкупно: 150-200 денари
(Повеќето состојки секогаш ги имаме дома.)